Tanbou
Fecat'jy
Réalisé par Ncs97 Production
Tanbou-la fèt èvè po a kabrit mal, pou son grav. Tanbou-la fèt èvè po a kabrit fimèl, pou son égi. Boula-la ka jwé ritm-la, makè-la ni wòl a solist.
Si po a fimèl kabrit pou enpwovizasyon.
Gwoka parèt an Gwadloup an tan lèsklavaj, Gwoka sé té mizik a vyé nèg ou té ka tann lakanpagn.
Mawsèl lolya, Man soso fè révolisyon, tanbou vwè limyè, apré lékòl, Gwoka vin Linèsko.
Tanbou ou ou ou ou , ka la ou ka konnyé-y èvè kèè
Tanbou ou ou ou, kouté tanbou, kouté chan kréyòl, kouté répondè, kouté waka a men.
Gwoka sé kilti gwadloupéèn, péwkisyon, chan é dans, twa langaj ki ka anvouté-w.
Adan tout fèt, tout manifèstasyon, sérémoni é léwòz, Gwoka sé lèspwa é libèté.
Tanbou pou rasanblé, tanbou pou révòlté, ni wond a léwòz chofé kò a-w.
O milyé dansè é dansèz ka boujé kò a yo, Boulagyèl ka rèpwodwi son a tanbou.
Tanbou ou ou ou ou , ka la ou ka konnyé-y èvè kèè
Tanbou ou ou ou, kouté tanbou, kouté chan kréyòl, kouté répondè, kouté waka a men.
Sèt ritm a gwoka, ka jwé si po a mal kabrit, chak ritm ka montré on émosyon. Kaladja sé pou soufrans, toumblak sé pou palé dè jwa, woulé sé pou palé dè travay, graj sé pou palé dè lanmou, padjanbèl sé pou lagrikilti, léwòz sé pou défi antrè dansè é makè.
Menndé sé ritm a kannaval ou ka kriyé ansèt a-w.
Woulé tanbou, woulé tanbou, woulé tanbou, woulé.
Tanbou ou ou ou ou, ka la ou ka konnyé-y èvè kèè
Tanbou ou ou ou, kouté tanbou, kouté chan kréyòl, kouté répondè, kouté waka a men.(*2)